Кыргыз Республикасынын Президентинин 2024-жылдын 5-июнундагы №137 “2025–2030-жылдарга Кыргыз Республикасында коррупцияга каршы аракеттенүү боюнча стратегиясы жөнүндө” Жарлыгына ылайык, Бирлик айыл өкмөтүндө тиешелүү иш-чаралар уюштурулду.
Аталган Жарлыктын талаптарын аткаруу максатында айыл өкмөтүнүн аппарат кызматкерлерине жана айыл башчыларына коррупциялык көрүнүштөргө жол бербөө, кызматтык этиканы сактоо, мыйзамдуулукту камсыз кылуу жана ачык-айкын иш алып баруу боюнча түшүндүрүү иштери жүргүзүлдү.
Жыйындын жүрүшүндө мамлекеттик жана муниципалдык кызматкерлердин жоопкерчилиги, кызыкчылыктардын кагылышуусуна жол бербөө, жарандар менен иштөөдө мыйзам талаптарын так сактоо маселелери кеңири талкууланды.
Бирлик айыл өкмөтү тарабынан коррупцияга каршы аракеттенүү багытындагы иштер мындан ары да улантылмакчы.