Бирлик айыл аймагы
Кыргыз Республикасынын Баткен областына караштуу Кадамжай районунун Бирлик айыл өкмөтү 1996- жылдын 10-майында түзүлгөн.
2023-жылдын 29-декабрындагы “Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндөгү” ПЖ №370 Жарлыгынын жана Кыргыз Республикасынын Министрлер Кабинетинин 2024-жылдын 7-февралындагы “Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө” №52 токтомунун негизинде, Кадамжай районунун Бирлик айыл аймагынан Кичи-Айдаркен жана Аэропорт участкалары Айдаркен шаарына кошулган. Баткен облусунун юстиция башкармалыгынан 2024-жылдын 5-апрелинде юридикалык жак катарында каттоодон Бирлик айыл аймагынын айыл өкмөтү болуп кайра түзүлгөн.
Бирлик айыл аймагы Кадамжай районунун батыш жагынан орун алып, деңиз дэнгээлинен 1600-2050метр бийиктикте жайгашкан. Түштүк тарабынан Өзбөк Республикасынын Сох району менен чектешип, чек аранын узундугу 45 км түзөт. Кыргыз Республикасынын борбору Бишкек шаарынан 975км, Баткен облусунун борбору Баткен шаарынан 55 км алыстыкта жайгашкан. Кышы суук, январдагы орточо температура тегиздикте жана тоо этектеринде -25градуска чейин, ал эми тоолуу жерлерде -30 градус. Июль айындагы орточо температура +25 градуска чейин жетет. Жайы салкын жана мелүүн.
Бирлик айыл аймагынын жалпы аянты- 40890 га аянтты түзөт.
Бирлик айыл аймагында жайланышкан калктуу конуштардын аталышы:
Ормош айылы, Сур айылы, Сырт айылы, Моло айылы, Чечме айылы, Бел айылы, Жаңы-Коргон айылы, Жал айылы, Эшме айылы, Тескей айылы, Жаңы-Сырт, Ынтымак айылы
КАЛКЫНЫН САНЫ
Кожолук- 2548, калктын саны - 13520, эркектер-6812, аялдар- 6708.
СОЦИАЛДЫК ОБЪЕКТИЛЕРИ
Билим берүү тармагы: орто мектептер-6, 1-толук эмес орто мектеп, балдар бакчасы-1
Маданият тармагы: стадион-1, спорт зал-4, китепкана-1
Саламаттыкты сактоо тармагы УБДТ-1, ФАП- 4 .
Дин тармагы: мечит-17
ИШКАНАЛАР
“Айкөк” кооперативи, “Баймат-Жаңы-Коргон” кооперативи. Ормош айылындагы логистикалык борбор.
АЙЫЛ ЧАРБА ТАРМАГЫ
Ири мүйүздүү малдар-4730, майда малдар-10010, канаттуулар-10700, жылкылар-230
Жалпы айдоо жер аянты -2931га сугат-2081га. кайрак-850га.
Мамлекеттик фонддун жерлери: |
Жалпы (га) | Сугат айдоо (га) | Кайрак айдоо (га) | Бак-дарак (га) | Чөп чабынды (га) | Кысыр аңыз (га) |
915 | 166 | 94 | 6 | | 649 |
БЮДЖЕТ
Аталышы | 2021-ж. факт(миң сом) | 2022-ж. факт(миң сом) | 2023-ж. факт(миң сом) | 2024-ж. факт (миң сом) |
Өздүк киреше | 7977,7 | 10804,6 | 9990,4 | 12213,0 |
Республикалык бюджет | 6838.9 | 8946,4 | 9873,0 | 9104,0 |
Жалпы бюджет | 14816,6 | 19751,0 | 19863,4 | 21317,0 |